d’ar Gwener 20 a viz Mae 2022
Startijenn – Talm ur galon
Goude 25 bloaz eo deuet Startijenn da vezañ ur strollad arouezel eus sonerezh Breizh a-vremañ. Troc’h trumm an daou vloavezh diwezhañ abalamour d’ar c’hovid en deus plantet enno ur youl kreñv : mont er maez eus ar prantad-se o vezañ cheñchet , kenteliet… Hag aozañ un abadenn gouestlet d’o beajoù er-maez eus Breizh, evit arvesterien gurius o dije c’hoant kaout un tañva eus energiezh hag orin ar strollad.